હાઇવે પર હવે નહીં ચૂકવવો પડે વધારાનો ટોલ ટેક્સ, જાણી લો GPS Toll System થી તમને શું થશે ફાયદાઅઓ..
ફાસ્ટેગને કારણે હવે ટોલ પ્લાઝા પર વાહનોની લાઈનો તો ઓછી થઈ ગઈ છે, પણ હવે આ વાત પણ જૂની થઈ ગઈ. જલદી જ કેન્દ્ર સરકાર એક એવી ટેક્નોલોજી લાવવા જઈ રહી છે, જેનાથી ટોલ પ્લાઝાની જરૂર જ નહીં પડે અને આ ટેક્નોલોજી છે GPS Toll System. આ Systemના લાગુ થવાથી તમે હાઈવે પર જેટલા કિલોમીટર ગાડી ચલાવશો એટલો જ ટોલ આપવો પડશે.
વાહનોમાં જીપીએસ ફીટ કરવામાં આવશે; હાઇવે પર મુસાફરી કરેલ અંતર માપવામાં આવશે, અને ટોલની રકમ ઇલેક્ટ્રોનિક રીતે કાપવામાં આવશે
ભારત રાષ્ટ્રીય ધોરીમાર્ગો પર સીમલેસ પેમેન્ટ અને વાહનની અવરજવર સુનિશ્ચિત કરવા વર્તમાનFASTagની જગ્યાએ GPS-આધારિત ટોલ સિસ્ટમ લાવવાનું આયોજન કરી રહ્યું છે, જેનાથી ટોલ પ્લાઝાની ભૂમિકા ટૂંક સમયમાં સમાપ્ત થઈ જશે. કેન્દ્રીય પરિવહન પ્રધાન નીતિન ગડકરીએ તાજેતરમાં સંસદમાં જણાવ્યું હતું કે FASTag સિસ્ટમ જે 2015 માં લાગુ કરવામાં આવી હતી અને 2021થી ફરજિયાત કરવામાં આવી હતી તેને પડકારોનો સામનો કરવો પડ્યો હતો.
સરકાર હવે GPS based Toll Systemઆધારિત ટોલ સિસ્ટમ શરૂ કરવાની યોજના બનાવી રહી છે, જેમાં સામાન્ય માણસને ટોલ પ્લાઝા પર રોકવાની જરૂર નહીં પડે.
કેન્દ્રીય પરિવહન પ્રધાન નીતિન ગડકરીએ તાજેતરમાં સંસદમાં ભાષણના વીડિયો સાથે ટ્વિટ કર્યુંકે, “અમે દેશમાં ટોલ પ્લાઝાને જીપીએસ આધારિત ટ્રેકિંગ ટોલ સિસ્ટમ સાથે બદલવા માટે નવી નીતિ સાથે બહાર આવીશું. તેનો અર્થ એ છે કે ટોલ કલેક્શન જીપીએસ દ્વારા થશે. નાણાં જીપીએસ ઇમેજિંગ (વાહનો પર)ના આધારે એકત્રિત કરવામાં આવશે, ”
GPS ટોલ સિસ્ટમને અપડેટ કરવા માટે શું કરવાનું રહે છે?…
GPS ટોલ સિસ્ટમની નવી સિસ્ટમ હેઠળ, વાહનોને જીપીએસ સાથે ફીટ કરવું પડશે, અને એકવાર તેઓ હાઇવેમાં પ્રવેશ કરશે, ત્યારે હાઇવે સિસ્ટમ વાહનને ટ્રેક કરશે. મુસાફરી કરેલ અંતર (કિલોમીટરમાં)ના આધારે, સિસ્ટમ આપમેળે એક્ઝિટ પોઈન્ટ અથવા ટોલ ગેટ પર ટોલની રકમ કપાત કરશે.
હવે વાહનોના માલિકોએ GPS ટોલ સિસ્ટમમાં તેનું નામ, સરનામું, વાહનનું મોડેલ, નોંધણી નંબર અને બેંક ખાતાની વિગતો રજીસ્ટર કરાવવી પડશે.
કેટલાક માને છે કે આનાથી મુસાફરી કરેલ અંતરના આધારે વસૂલવામાં આવતી ટોલની રકમમાં ઘટાડો થશે, કારણ કે હવે, જો કોઈ વ્યક્તિ હાઈવેમાં પ્રવેશે અથવા કોઈ મધ્યબિંદુથી બહાર નીકળે તો પણ સંપૂર્ણ ટોલ ચૂકવવો પડે છે. અન્ય લોકોને આ વધુ પડકારજનક લાગે છે કારણ કે તમામ વાહનોમાં GPS સિસ્ટમફીટ કરવાની જરૂર પડશે, ખાસ કરીને જૂના વાહનો કે જેમાં અત્યારે સુવિધા નથી. લોકોને ટોલ રકમના સ્વચાલિત ટ્રાન્સફરને સક્ષમ કરવા માટે સિસ્ટમ સાથે જોડાયેલા તેમના બેંક ખાતામાં પણ પૂરતા પૈસા રાખવાની જરૂર પડશે.
હજુ શરૂઆતના દિવસોમા, સામાન્ય ટોલ ગેટ સિસ્ટમ ચાલુ રહેશે, જેમાં FASTag વાહનોની સીમલેસ હિલચાલને સક્ષમ કરશે.
ગડકરીએ તેમના ભાષણ દરમિયાન કહ્યું હતું કે સામાન્ય માણસ પાસેથી વસૂલાતા ટોલ ટેક્સના સંદર્ભમાં રાહત આપવી જોઈએ. તેમણે કહ્યું કે 60કિમીની અંદર માત્ર એક જ ટોલ પ્લાઝા હોવો જોઈએ. જો આ મર્યાદામાં વધુ ટોલ પ્લાઝા હશે તો તે ત્રણ મહિનામાં બંધ કરી દેવામાં આવશે.
તેમણે ઉમેર્યું હતું કે, રાષ્ટ્રીય ધોરીમાર્ગો પર એકબીજાથી 60 કિમીની અંદર આવેલા તમામ ટોલ વસૂલાત પોઈન્ટ આગામી ત્રણ મહિનામાં બંધ કરવામાં આવશે.
